YUMA YALEMA YAMWIZU DANZAMBI | KUTACHIKA 9-11
‘Heseki Dejima Hadiña Idimi Dimu Hohu’
HaBabeli, Yehova wapalañesheli akwakudikaña kuhitila mukuluwañesha idimi dawu. Makonu nakupompesha izaza deneni kufuma kunyuza yejima nikumadimi ejima nakuyidizisha “idimi ditooka” ‘kulonda atambikeña hejina daYehova, kulonda amukalakeleña namuchima wawu wumu.’ (Zef 3:9; Chi 7:9) Idi “idimi ditooka” hichalala chitwadiza hadi Yehova ninkeñelu yindi yekala muNsona.
Kudiza idimi dadiha hikuhembela hohu mazu amaha kumutuku. Chakeñekaña kudiza njila yayiha yakutoñojokelamu. Munjila yoyimu, hampinji yitunakudiza idimi ditooka dachalala, yitoñojoka yetu yabalumukaña. (Rom 12:2) Kudiza idimi ditooka kwamanaña wanyi nawa dikwakwashaña antu jaNzambi kwikala anuñañana.—1Kor. 1:10.