YUMA YALEMA YAMWIZU DANZAMBI | KWIDIKA 10-11

Mosi naAroni Amwekesheli Kuhamuka Kwakweni

10:3-6, 24-26, 28; 11:4-8

Mosi naAroni amwekesheli kuhamuka kwakweni hampinji yahosheleñawu naFwaro, iyala wadiña nañovu chikupu mukaayi hayina mpinji. Chumanyi chayikwashili? Hadi Mosi, Bayibolu yahosha nawu: “Muloña wachikuhwelelu, wafumini muEjipitu, hela chochu, hatiyili woma wakuzuwa kwamwantaku, muloña watwalekelihu kukola mbe-e neyi kwiji nakumona Owu abulaña kumonawu.” (Heb 11:27) Mosi naAroni amukuhweleleli nikumushindamena chikupu Yehova.

Mpinjinyi yakeñekaña kuhamuka kulonda mumwekeshi chikuhwelelu chenu kudi akwawuswa?

Nyevulu: Mpinji yitunateli kumwekesha kuhamuka. 1. Kansi weyala nemani hohu iku akwawu akashikola anakubuzwila mpandela. 2. Manakwetu nemani kumesu awamahaku. 3. Manakwetu wakansi nakuhana tilakiti kudi mwiniitala iku kapokola nakutalaku.