Bayi Mutandishaña Nsañu Yakutwambaku

Makonu nsañu yinateli kutanda swayi-swayi kudi antu amavulu kuhitila muyipapilu yansañu, hayikuzulemba, TV nihaintaneti. Antu adifukulaña kudi ‘Nzambi wachalala’ hiyakeñaña kutandisha nsañu yakutwambaku, hela tuhu chakubula kwiluka. (Ms 31:5; Kwi 23:1) Nsañu yakutwamba yinahiti mudi antu amavulu yinateli kuleta kukala kweneni. Hakwila mwiluki neyi chakwila oyu nsañu yalala, dihulenu nenu:

• ‘Komana iyi nsañu yinafumi kudi muntu inakuhwelela?’ Muntu wunayileji nsañu hanateli kwiluka nsañu yejimaku. Nsañu neyi yihita mudi antu amavulu yenzaña nakuhimpika, dichi mwatela kubabala neyi himuneluki kuyinatachikiliku. Chineli antu akweti kukoleka muchipompelu ayikuhwelela kwikala nsulu yansañu yalala, atela kusoñama kulonda abuli kutandisha nsañu yinabuli kwilukawu neyi yalala.

• Komana iyi nsañu yinakutamisha ijina damuntu? Neyi yinakutamisha ijina damuntu hela majina awantu chachiwahi kubula kuyihosha.—Yis 18:8; Fwp 4:8

• Komana iyi nsañu atela kuyikuhwelela? Mwatela kwikala asoñama neyi munakutiyilila kunsañu yatela kubula kukuhwelelawu hela kunsañu yamwekeni.

TALENU VIDIYO YINAKWILA NAWU NATELI KULEKA ÑAHI MATUÑU? KUHIÑAHU AKULENU AWA MALWIHU:

• 

  Kwesekeja naYishimu 12:18, yumanyi yatama yinateli kufuma mumatuñu?

• 

  Afwilipi 2:4 yatukwashaña ñahi kwiluka mazu itwahoshaña hadi akwetu?

• 

  Yumanyi yitwatela kwila neyi antu atachika kuhosha yuma yatama hela kasawuntu hadi antu amakwawu?

• 

  Malwihwinyi itwatela kudihula henohu kanda tutachiki kuhosha hadi antu amakwawu?