Kwila Muzatisha Mpinji Yenu niÑovu Nehi?

Neyi chashimwineñahu dehi Isaya, kuloñesha kwaYehova kwahamaseki kunakuyilaku hambidi chikupu. (Isa 54:2) Dichi kunakukeñeka kutuña Matala aWanta amaha, Matala Amaneni Akupompela, nitusanji twanyitayi. Hanyima yakuyituña, awa matala akeñekaña kuyiwahisha nikuyituñulula. Tunateli kuzatisha ñahi mpinji yetu niñovu kudi Yehova kuniwu mudimu?

• Tunateli kuzataku neyi izanvu detu dakushimwina didakawahishaña Itala daWanta

• Twatela kudihana kulonda atudizishi chakwakamena Itala detu daWanta

• Tunateli kusoneka fomu yaLocal Design/Construction Volunteer Application (DC-50) kulonda tukwasheñaku mudimu wakutuña nikuwahisha wudi kwakwihi nakutwashakamaña

• Tunateli kusoneka fomu (A-19) nikudihana kulonda tuzatiku hadi mulungu wumu hela kubadikahu mwiluña mwekala kasanji ketu, haBeteli hela kukasanji kakwawu

TALENU VIDIYO, ANAFUUKULI KUTUÑA KASANJI KAKAHA—CHIBALU, NAWA AKULENU AWA MALWIHU:

• Shimunenu chitunakuzatisha mavidiyo amavulu kubadika mu 2014.

• Hakwila twikali namavidiyo amavulu anakukeñeka hakudifukula, mudimwinyi wunafuukuliwu, nawa wakatachika nikumana muchaakanyi?

• Akwakudihana anateli kuzataku ñahi iwu mudimu?

• Neyi tunakukeña kuya nakutuñaku kuRamapo, muloñadi chitwatela kusoneka fomu yaDC-50 nikukwashaku mudimu wakutuña waLocal Design/Construction projects wudi kwakwihi nakutwashakamaña?

• Wunsahwinyi wunakumwekesha nawu Yehova diyi wunakulombola iwu mudimu?

• Tunateli kukwashaku ñahi iwu mudimu hela chakwila etu hitunateli kutweshaku?