Enu Atwansi​—Komana Yehova Hibwambu Denu?

Yilwilwinyi yimwakeñaña mudi ibwambu denu? Hadaha mwakeñamu kashinshi, luwi nikuwunda. Yehova wukweti iyi yilwilu yejima. (Kwi 34:6; Yil 14:17) Watiyaña kulomba kwenu. Wayikwashaña neyi munakukeña wukwashu. (Ms 18:19, 35) Wayanakenaña neyi munaluwañeshi. (1Yo 1:9) Yehova Hibwambu wamuwahi chikupu.

Munateli kwikala ñahi ibwambu daYehova? Mwilukenu kuhitila mukutaña Bayibolu. Mulejenu chimunakutiya. (Ms 62:8; 142:2) Mwekeshenu nenu mwalemesha yuma yalemeshayi Yehova, chidi neyi Mwanindi, Wanta windi niyuma yakumbidi yakanayi. Lejenuku akwenu niwena amwiluki. (Kuh 32:3) Neyi mukolesha wubwambu wenu naYehova, wukwikala Ibwambu denu haya nyaaka.—Ms 73:25, 26, 28.

TALENU VIDIYO, ATWANSI—“TOMPENU MUTIYI CHAWAHAYI YEHOVA” KUHIÑAHU AKULENU AWA MALWIHU:

• 

  Munateli kudiloñesha ñahi kulonda mudihani nikupapatishewa?

• 

  Antu amuchipompelu anateli kuyikwasha ñahi kumukalakela Yehova?

• 

  Kushimwina kwakoleshaña ñahi wubwambu wenu naYehova?

• 

  Nyidimwinyi yamukuloñesha kwaYehova yimunateli kuzataku?

• Mwamukeñeladi Yehova?