Kampeni Yadimena muNovember yaKutiyakesha Wanta waNzambi

Yesu washimwinini “nsañu yayiwahi yaWanta waNzambi.” (Luk 4:43) Wadizishili cheñi antu kulomba hadi iwu Wanta. (Mat 6:9, 10) MuNovember tukuzata nañovu kutiyakesha Wanta waNzambi. (Mat 24:14) Tanjikenu chiwahi mpinji kulonda mukazatiku chikupu muniyi kampeni. Ejima anakuzataku wupayiniya wakukwasha atela kutondahu kuzataku maora 30 hela 50 munaka kakweji.

Hanjekenu nawantu amavulu adi mwiluña denu hansona yinakuhosha haWanta waNzambi. Hakutonda nsona, toñojokenuña hayuma yakuhwelelawu antiyilili jenu. Neyi muntu namwekeshi mpwila halwendu lwatachi, mwinkenu Kaposhi Kakutalila kawantu amavulu kamu 2020 Na. 2. Kuhiñahu nyakalenu kufuntilaku kudi antu anamwekeshi mpwila nawa tachikenu kudiza nawu Bayibolu kuzatisha mukanda wamuChikasha Chetu chaYozelu Yakuzatisha haKudizisha. Katataka Wanta waNzambi wukisañani jinfulumendi jejima. (Dan 2:44; 1Ko 15:24, 25) Dichi tuzatishenu iku kukoleka kutukweti kulonda tumwekeshi kashinshi kudi Yehova niWanta windi.