Kampeni Yadimena yaKuleja Antu Wanta waNzambi muSeptember!

MuSeptember, twakazata nañovu kulonda twakalejeña antu netu Wanta waNzambi hohu diwunateli kumanisha kukala kwawantu ejima. (Mat 24:14) Munateli kuzataku ñahi? Kahanjekenu nawantu amavulu munaka kakweji nsona yinakuhosha haWanta waNzambi. Neyi muntu amwekesha mpwila, mukamwinki Kaposhi Kakutalila Na. 2 2020. Mukafuntañaku swayi-swayi nawa mukatachiki kudiza Bayibolu kuzatisha broshuwa yaMunateli Kwikala naMuzañalu Haya Nyaaka!. Ejima akazata wupayiniya wakukwasha muSeptember anateli kuzata maora 15 hela 30.

Katataka Wanta waNzambi wujilumuni mawanta ejima adikañaña. (Dan 2:44; 1Ko 15:24, 25) Wejima wetu tukazati nañovu kulonda tukamwekeshi netu twamuhakwilañaku Yehova niWanta windi!