Twamwekeshaña Kukeña Neyi Tovwahila Chababeshañayi Yehova

Kuhaña muntu muchipompelu kwakiñaña chipompelu nawa kwababeshaña muntu wunabuli kubalumuka mumuchima. (1Ko 5:6, 11) Twamwekeshaña kukeña neyi twovwahilaña iyi ntanjikilu yaYehova. Hanu dinu twamwekeshaña ñahi kukeña henohu kwaletaña chineñi kudi antu ejima, kushilahu antaña nikomiti yawunsompeshi?

Nawa chuma chasweja kulema twamwekeshaña netu twamukeña Yehova ninshimbi jindi jajila. (1Pe 1:14-16) Twamwekeshaña cheñi netu twamukeña muntu anahañiwu. Hela chakwila kubabesha kwayeña, ilaña “[kw]asoñaña mukabu wakuwunda, dikwila nawu, kuloña.” (Heb 12:5, 6, 11) Neyi tudikundaña namutu anahañiwu muchipompelu hela wunadambuli yomweni, dikwila nawu tunakudikaña nanshimbi jaYehova. Mwatela kwanuka nenu Yehova wababeshaña antu jindi “mwawuñaji.” (Yer 30:11) Neyi tukwovwahilaña ntanjikilu yaYehova nikutwalekahu kwila yuma yakuspiritu, dikwila nawu muntu ahañawu wukafunta cheñi kudi Tata yetu waluwi.—Isa 1:16-18; 55:7.

TALENU VIDIYO, TWALEKENUHU KWIKALA AJILA NAMUCHIMA WUMU NAWA AKULENU AWA MALWIHU:

• 

  Anvwali akwaKristu atiyaña ñahi neyi mwanawu yafuma kudi Yehova?

• 

  Chipompelu chinateli kukwasha ñahi antu amuchisaka ashinshika?

• 

  Nsañwinyi yamuBayibolu yatudizishaña nawu kwikala washinshika kudi Yehova kwalema kubadika kwikala washinshika muchisaka?

• 

  Twamwekeshaña ñahi netu twashinshika kudi Yehova kubadika chisaka?