Anvwali Yidizishenu Anyanenu Eluki Chakwila

Twashakamaña mukaayi mwatenañawu yatama nawu yayiwahi nawa yayiwahi nawu yatama. (Isa 5:20) Chawushona, antu amakwawu elaña yuma yahelayi Yehova, kushilahu niyilwilu yawutumwa, chidi neyi kudikama iyala neyala hela mumbanda namumbanda. Atwansi kumashikola hela antu amakwawu anateli kuluwañesha anyanetu kulonda niwena eleña yuma yatama. Munateli kukwasha ñahi anyanenu kutondolwela iku kukala?

Yidizishenuña anyanenu eluki nshimbi jaYehova. (Lev 18:3) Yilejenu chahosha Bayibolu hayilwilu yawuvumbi kwesekeja nayaaka yikwetiwu niwuswa wakuhemba yuma. (Kuh 6:7) Dihulenu nenu: ‘Komana nadizishaña anyanami chakumwekesha kukeña munjila yayiwahi, chichalemena kuvwala chiwahi niakwawu chiyatela kulemeshawu yiidi yawu yalusemu? Komana anyanami anateli kwiluka chakwila neyi muntu yayila nindi yayitalishi nyevulu yanzekesi hela yayila nindi eli yuma yahoshayi Yehova nindi yatama? Neyi elukila chadimu chikayikwasha kutondolwela kukala kwakuvulu. (Yis 27:12; Mkw 7:12) Neyi mukuyidizishaña anyanenu, mukumwekesha nenu mwalemesha wuswana wenu wayinkawu kudi Yehova.—Ms 127:3.

TALENU VIDIYO YINAKWILA NAWU, TUÑENU ITALA DAKASHAKAMA HAYA NYAKA​—KIÑENU ANYANENU ‘KUYUMA YATAMA’ NAWA AKULENU AWA MALWIHU:

• 

  Muloñadi antu amakwawu chakañenyañawu kudizisha anyanawu hansañu yawuvumbi?

• 

  Muloñadi anvwali chatela kudizishilawu anyanawu “mukuyifumba nikuyikonkomwena kwesekeja nachakeñañayi Yehova”?—Efw 6:4

• 

  Yumanyi yaloñesha kuloñesha kwaYehova yakwashaña anvwali kudizisha anyanawu hansañu yawuvumbi?—w19.05 12, nichikasha

• Muloñadi chimwatela kuhanjekela nawanyanenu mpinji yejima henohu kukala kanda kumwekani?