SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kuzatisha Yakutalilahu Hakulumbulula Yikuma Yamaneni
Neyi tunakufuntila hela tunakudizisha atudizi aBayibolu, twatela kukwasha antiyilili jetu kutiyisha yikuma yamaneni. Neyi tukulumbululaña yikuma, tukuyishikaña hamuchima nawa akwanukaña yuma yitunakuyidizisha.
Neyi munakuloñesha kufuntila hela kudizisha Bayibolu, nonenumu yikuma yamaneni yimunakukeña kulumbulula bayi yanyanyaku. Kuhiñahu tondenu yakutalilahu yapela kwesekeja nayuma yinakumwekana. (Mat 5:14-16; Mak 2:21; Luk 14:7-11) Ilukenu chidi chihandilu chamuntu imunakuhanjeka nindi ninyidimu yazatañayi. (Luk 5:2-11; Ywn 4:7-15) Neyi mumona nazañalali muloña natiyishi chikuma, ninenu mukuzañalala chikupu.
TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI—WAHISHENUKU NJILA JENU—KUZATISHA YAKUTALILAHU HAKULUMBULULA YIKUMA YAMANENI, NAWA AKULENU MALWIHU ANALONDELIHU:
Twatela kukwashiladi atudizi hakwila atiyishishi mavasi amuBayibolu?
Neeta walumbulula ñahi chalala chekala haARoma 5:12?
Yakutalilahu yayiwahi yashikaña antu hanyichima
Kuzatisha yakutalilahu yayiwahi kunateli kukwasha ñahi antiyilili jetu?
Muloñadi chitwatela kuzatishila mavidiyo niyozelu yikwawu yatwinkaña kuloñesha kwaYehova mumudimu wakushimwina?