Itejenu Wukwashu waYehova Kuhitila muKulomba

Yehova diyi wameneshaña mbutu yachalala nikuyikulisha mumuchima wamuntu. (1Ko 3:6-9) Dichi hakwila nawu tuzateña chiwahi mumudimu wakushimwina twatela kumushindamena Yehova kulonda yatukwashi niatudizi etu aBayibolu.

Mulombenu Yehova kulonda yakwashi atudizi enu kuumika ikakeja nikushinda kukala. (Fwp 1:9, 10) Shimunenu yuma yimunakukeña. Lombenu spiritu yajila kulonda yilomboleña yitoñojoka yenu niyilwilu yenu. (Luk 11:13) Dizishenu atudizi enu aBayibolu chakulomba nawa yilejenu alombeña. Lombenuña hamu nawatudizi enu aBayibolu nawa yitenenuña hamajina.

TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI​—ITEJENU WUKWASHU WAYEHOVA​—KULOMBA NAWA AKULENU AWA MALWIHU:

• Kukalanyi kwamonayi Neeta hampinji yadizañayi naJade?

• 1 AKorinda 3:6 yamukwasha ñahi Neeta?

• Kukala kwamweniyi Neeta kwamanini ñahi?