SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kwashenu Atudizi Enu aBayibolu Aleki Yaaku Yatama
Antu akweti yilwilu yayiwahi hohu diwu ekalaña nawubwambu wakola naYehova. (1Pe 1:14-16) Atudizi aBayibolu chatachikawu kuleka yilwilu yatama, akwiluka chakwikala namuzañalu muchisaka, chakudihemba kumujimba, nichakuzatisha mali.
Yilejenu chekala nshimbi jaYehova, muloña waweni wujekalilaku, niyuma yayiwahi yikufumamu neyi ajovwahila. Kwashenu atudizi enu ahimpi chatoñojokañawu, chumichi chikuyikwasha kwila yuma yakeñañayi Yehova. (Efw 4:22-24) Yikwashenu eluki nawu Yehova wukuyikwasha kuleka yaaku yatama yadiñawu nayu hadi yaaka yayivulu. (Fwp 4:13) Yilejenu alombeña kudi Yehova mpinji yidiwu mukweseka kwakukeña kukoña chuma chatama. Yikwashenu atondolweleña yuma yinateli kuyiletesha kukoña nshidi. Yikoleshenu aleki yaaku yatama nawa eleña yuma yikuyikwasha. Mukutiya kuwaha neyi mumona atudizi anahimpi yilwilu yawu nawukwashu waYehova.
TALENU VIDIYO YAKWASHENU ATUDIZI ENU ABAYIBOLU ALEKI YAAKU YATAMA, NAWA AKULENU AWA MALWIHU:
Komana akulumpi niNeeta amuzuwila Jade chelukawu nawu wudi nachilwilu chatama?
Neeta wamukwasha ñahi Jade?
Mpinjinyi yalombayi Jade wukwashu kudi Yehova?