SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kwashenu Atudizi Enu aBayibolu Ekaleña Amabwambu jaYehova
Yehova wakeñaña tumukalakeleña muloña wakukeña kutwamukeña. (Mat 22:37, 38) Kumukeña Nzambi dikunateli kuyisañumuna atudizi aBayibolu kuhimpa yilwilu nikuumika hampinji yidiwu mukweseka. (1Yo 5:3) Kumukeña Nzambi dikukuyikwasha kufuukulahu kupapatishewa.
Yikwashenu atudizi eluki chayikeñawu kudi Nzambi. Yihulenu nenu: “Iyi yuma yinayidizishidi hadi Yehova?” hela “Iyi yuma yinamwekeshi ñahi nawu Yehova wayikeña? Yikwashenu atudizi enu amoni Yehova chinakuyikwashayi halwawu. (2Ku 16:9) Yilejenu yakutalilahu yinakumwekesha Yehova chakwiliyi kulomba kwenu, nawa yikoleshenu amoneña Yehova chinakwakulayi kulomba kwawu. Tukwikala namuzañalu chitwamona chinakuyikwashayi Yehova atudizi etu niwena chinakumwekeshawu nawu amukeña nawa anakufwila kukolesha wubwambu wawu nayena.
TALENU VIDIYO YAKWASHENU ATUDIZI ENU ABAYIBOLU EKALEÑA AMABWAMBU JAYEHOVA, NAWA AKULENU AWA MALWIHU:
Kukalanyi kwadiña naJade?
Neeta wamukwasha ñahi Jade?
Yumanyi yamukwasha Jade kumanisha iku kukala?