SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Yidizishenu Atudizi Enu aBayibolu Kudidiisha Aweni kuSpiritu
Hakwila nawu chiyikwashi kumwiluka Yehova nikwikala akwaKristu apama, atudizi aBayibolu atela kudiza yuma yayivulu bayi chalala chitwayidizishaña hohuku. (Mat 5:3; Heb 5:12–6:2) Atela cheñi kudidiisha aweni kuspiritu.
Kufuma tuhu kumatachikilu, mulejenu kadizi wenu chakuloñesha kudiza Bayibolu nawa mukoleshenu kulonda yaloñesheña. (mwb18.03 6) Yikoleshenuña alombeña mpinji yejima henohu kanda atachiki kudiza. Yikwashenu kulonda aloñololi nyikanda yakuzatisha hakudiza hayozelu yawu nawa ayizatisheña. Yilejenu chakuwana yuma yayiha ha jw.org niha JW Broadcasting®. Mukuhita kwampinji, yidizishenuña atañeña Bayibolu mafuku ejima, kuloñesha kupompa nikusandujola ñakwilu yamalwihu. Yikwashenu kulonda atoñojokeñahu chikupu hayuma yinakudizawu.
TALENU VIDIYO YA KWASHENU ATUDIZI ENU ABAYIBOLU KUDIDIISHA AWENI KUSPIRITU, NAWA AKULENU AWA MALWIHU:
Neeta wamukwasha ñahi Jade kwiluka nindi mukudiza mwabombela yuma yayivulu kubadika kwiluka hohu ñakwilu?
Chumanyi chamukwashili Jade kwiteja nindi Yehova welili chiwahi hakukaanisha wuvumbi?
Yidizishenu atudizi enu nsañu yalema nichakuyizatisha
Chumanyi chelukayi Jade kutalisha hakutoñojokahu chikupu?