SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kushika Hanyichima
Kumwovwahila Nzambi kwafumaña hamuchima. (Yis 3:1) Dichi neyi tunakudizisha twatela kuzataña nañovu kulonda tuyishikeña antiyilili jetu hamuchima. Tukwila ñahi mwenimu?
Bayi mumudizishaña hohu kadizi chalala chamuBayiboluku, ilaña mukwashenuña cheñi yelukeña oyu nsañu chiyinateli kumukwasha muchihandilu chindi ninawubwambu windi naYehova. Mukwashenu yeluki nshimbi jamuBayibolu chijamwekeshaña kukeña kwaNzambi, kuwaha kwindi nikuloña kwindi. Mukubabala mwihulenu malwihu akumukwasha kwiluka chinakutiyayi hayuma yinakudizayi. Mukwashenu yatoñojoki yuma yayiwahi yinateli kufumamu neyi yaleka yilwilu yatama hela yaaku yindi. Neyi mumona kadizi wenu chinamukeñiyi Yehova, mukwikala namuzañalu chikupu.
TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI—WAHISHENU NJILA JENU—KUSHIKA HANYICHIMA, NAWA AKULENU AWA MALWIHU:
Muloñadi Neeta chamwihwilayi Jade nindi: “Watoñojokahu hayuma yitwahanjekeli Hachimu?”
Neeta wamukwasha ñahi Jade kutiyisha nshimbi jamuBayibolu chijamwekeshaña nawu Yehova wamukeña?
Neyi tuyishikaña atudizi etu hamuchima, akuswinaña kwakwihi naYehova
Neeta wamukwasha ñahi Jade kwiluka chatela kumwekeshayi nindi wamukeña Nzambi?