SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kutiyila Antu Wushona
Wushona hiwuswa wakutiya chinakutoñojokayi muntu, chinakutiyayi, yuma yalemeshayi niyuma yinakukeñayi. Antu amakwawu elukaña neyi twayitiyilaña wushona. Neyi tunakukeña kukwasha antu chikwikala chaswayi kuyitiyila wushona. Neyi tumwekeshaña wushona mumudimu wakushimwina, tukumwekeshaña Yehova chakeñayi nichakamenañayi antu nawa chumichi chikuyiletesha kuswina kwakwihi nayena.—Fwp 2:4.
Kutiyila antu wushona hinjila yitwazatishaña kulonda tuyishimwini antuku, ilaña wamwekenaña nanochu chitwayitiyililaña antu, chitwahoshaña, muyilwilu yetu, nzatishilu yetu yayidi yamujimba nimmwekenu yahamesu. Twamwekeshaña wushona neyi tumumwekeshela muntu kukeña kwakweni. Twashinshikaña yuma yakeñayi, yakuhwelelayi nichidi yuma muchihandilu chindi. Twayilejaña nsañu yinateli kuyikwasha nikuyikwasha ilaña twayikanjikijaña wanyi kuhimpa. Neyi antu itunakushimwina eteja nawu tuyikwashi, twekalaña namuzañalu chikupu mumudimu wakushimwina.
TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI—WAHISHENU NJILA JENU—KUTIYILA ANTU WUSHONA, NAWA AKULENU AWA MALWIHU:
Neeta wamutiyila ñahi Jade wushona chenzayi mukulaba?
Neeta wamutiyila ñahi Jade wushona chahoshayi nindi nazeyi wukutwesha wanyi kudiza?
Neyi tuyitiyilaña antu wushona, amwilukaña Yehova
Neeta wamutiyila ñahi Jade wushona chahoshayi nindi nadiloñeshi wanyi?