Kwosi Kukala Kwabulaña Kumanaku

Mpinji yikwawu kukala kunateli kutuzeyesha, sweje-e neyi kunakumana swayi wanyi. Davidi welukili nindi kukala kwamweneñayi kwafumineña kudi Mwanta Sawulu ifuku dimu kwakamana nawa wakekala mwanta, neyi chashimwiniyi Yehova. (1Sa 16:13) Chikuhwelelu chaDavidi chamukwashili kudiwunjika nakumuchiñilila Yehova.

Kukala kukwawu kutwamonaña tunateli kukumanisha neyi tuzatisha kashinshi nimaana. (1Sa 21:12-14; Yis 1:4) Ilaña, kukala kukwawu tunateli kukumanisha wanyi hela tukuzata nañovu yetu yejima kuzatisha yishina yamuBayibolu. Neyi tudi mukukala kwamuchidiwu twatela kudiwunjika nakumuchiñilila Yehova. Katataka wukumanisha kukala kutwamonaña nawa “wakakombola madilu ejima kumesu” etu. (Chi 21:4) Hela chakwila kukala kwetu Yehova diwukakumanisha indi kwiji kukamana kuzatisha njila yacheñi, twatela kwiluka netu: Kwosi kukala kwabulaña kumanaku. Kwiluka chumichi kunateli kutukundeja.

TALENU VIDIYO YAANTU ANUÑAÑANA MUKANU KAAYI MUDI CHAAMBU, NAWA AKULENU AWA MALWIHU:

• Kukalanyi kwamweniwu akwaKristu akukabeta kakuchidiilu kuUnited States?

• Amwekesheli ñahi kudiwunjika nikukeña?

• ‘Yumanyi yalema nankashi’ yiyatwalekeliwu kwila?​—Fwp 1:10