Hampinji Yimunakushimwina Hoshenuña niHayuma Yinakumwekana

Yesu hashimwinineñayi wahosheleña nihayuma yadiña nakumwekana kulonda yadizishi antu yikuma yalema. (Luk 13:1-5) Ninenu hoshenuña hajinakumwekana, mukwashi antu atiyi nsañu yaWanta. Hanyima yakuhosha hayuma chiyinakukandaminaku wuseya, hawubanji, madombu niyikonkojola, kuteñuka nayitumbu yashetana, hela hayuma yikwawu, mwihulenu lwihu lukumusañumuna. Hadaha mwihulenu nenu: “Munakutoñojoka nenu kudihu mpinji yakamana . . . ?” hela “Munakutoñojoka nenu chumanyi chikamanisha . . . ?” Hanjekenu hansona yinesakani nanoyu nsañu. Neyi wudi nampwila mutalishenu vidiyo hela mwinkenu mukanda wamuchikasha chetu chayozelu. Chitunakuzata nañovu kulonda tushiki hanyichima yawantu amwiluña detu, twileña “yuma yejima muloña wansañu yayiwahi.”​—1Ko 9:22, 23.

Nsañwinyi yikukeñeshawu antu amwiluña denu?