Kuwahisha Njila Jetu Jakushimwinamu—Kuhimpa Njila Jakushimwinamu

CHICHALEMENA: Awayishewa nianyikoku amakwawu atambikaña antu ejima kwinza nakunwa “menji awumi awaana.” (Chi 22:17) Awa menji achifwikija emenañaku yuma yaloñeshayi Yehova yakukuula nachu antu kunshidi nikukufwa. Hakwila tuyikwashi awantu afuma kuyitachi nawa akuhwelela yuma yashiyashana, twatela kuyishimwina ‘nsañu yayiwahi yahaya nyaaka’ munjila yikuyishika hamuchima hamuntu-hamuntu.—Chi 14:6.

YUMA YIMWATELA KWILA:

• Sakulenu mutu wansañu ninsona yikushika antu amwiluña denu dakushimwina hanyichima. Munateli kuzatisha chakuhanjeka nawantu hela nsañu yimwazatishili yakeñeliwu antu amwiluña denu. Nsañwinyi hela nsonanyi yakeñawu antu? Kudihu nsañu hela chuma chinamwekani katataka? Yumanyi yikumushika muntu weyala hela wamumbanda hamuchima?

• Imushenu eni matala kwesekeja nachiswemwa chamwiluña denu.—2Ko 6:3, 4

• Ilukenu nyikanda nimavidiyo ekala muChikasha Chetu Chayozelu imwatela kuzatisha neyi kudi wunamwekeshi mpwila

• Loñololenu nyikanda hela mavidiyo mumadimi awantu imunateli kuwana mwiluña denu

• Himpenu nsañu yimwaloñesha kwesekeja nakukala kukwetiyi mwiniitala. (1Ko 9:19-23) Chakutalilahu, mukuhosha nenudi neyi mwiluka nenu mwiniitala wafwisha ntaña yindi katataka?

TALENU VIDIYO, NAWA AKULENU AWA MALWIHU:

• Mukwakushimwina watachika kuhanjeka namwiniitala nsañwinyi?

• Kukalanyi kunakumonayi mwiniitala muchihandilu chindi?

• Nsonanyi yadi kumukwasha haniyi mpinji, nawa muloñadi?

• Munateli kuhimpa ñahi nsañu hakwila muyishiki antu amwiluña denu hanyichima?