YUMA YALEMA YAMWIZU DANZAMBI

Sakulenu Chachiwahi Muntu Wakwiñila Nindi Muwulu

Solomoni wafuukwili mwaluwa nawa wasumbwili ambanda adifukwileña kudi anzambi akutwamba (1An 11:1, 2; w18.07 18 ¶7)

Añodi jaSolomoni afumishileña muchima windi chovu-chovu kudi Yehova (1An 11:3-6; w19.01 15 ¶6)

Yehova watiyili kutama chuma cheliliyi Solomoni (1An 11:9, 10; w18.07 19 ¶9)

Nyevulu: Muhela wuchidi mujiki nakudiza Bayibolu nawa nakutoñojoka hadi manakwetu. 1. Manakwetu nakwakulahu hakupompa. 2. Nakushimwina hangolofwana. 3. Nakuzataku mudimu wakuwahisha Itala daWanta.

Bayibolu yayilejaña ajiki akwaKristu kusumbula hela kusumbukila “hohu mudi Mwanta.” (1Ko 7:39) Hela chochu, hitwatela hohu kusumbula hela kusumbuka namuntu chakala hohu wapapatishewaku. Twatela kusambila kwiluka neyi owu muntu wukatukwasha kutwalekahu kumukalakela Yehova namuchima wejima. Twatela kwiluka chinamwekeshiyi nindi wamukeña chikupu Yehova hadi mpinji yinamukalakeliyi. Henohu kanda mwiteji kudisumbula ikalenu nampinji yakuhanjeka kulonda mudiluki chiwahi.