Mushindamenenu Yehova Hakwila Mwakekali naWulu Wakola

Wulu wawakaKristu wawuwahi waletaña kalemesha hejina daYehova nimuzañalu kudi eyala namumbanda. (Mak 10:9) Hakwila akaKristu akekali nawulu wawuwahi nawa wakola, atela kuzatisha chikupu yishina yamuBayibolu hakusakula muntu atela kwiñilawu nindi muwulu.

Mwatela kutachika kudiluka namuntu neyi munahiti “dehi muyaaka yawansi,” muloña haniyi mpinji mpwila yakwila wuvumbi yaswejaña nawa chikuletesha mukusakula chiwahi wanyi. (1Ko 7:36) Zatishenu mpinji yimuchidi ajiki kukolesha wubwambu wenu naNzambi nikwikala nayilwilu yawakaKristu. Neyi mwila mwenimu, mukudiza yuma yayivulu yikayikwasha kwikala nawulu wakola.

Henohu kanda mwiteji kudisumbula, chatachi ilukenu wuntu “wakujinda wamumuchima” wamuntu imunakukeña kwiñila nindi muwulu. (1Pe 3:4) Neyi kudi yilwilu yimunabuli kukeña yimunamoni mudi yena, hanjekenu nindi. Chuma chimwatela kwiluka neyi munakukeña muntu wakwiñila nindi muwulu, mwatela kusha muchima hayuma yimwakamwililaña mwinikwenu bayi yimunakukeña yena kuyililaku. (Fwp 2:3, 4) Neyi muzatisha yishina yamuBayibolu mpinji yimunakukeña muntu wakwiñila nindi muwulu, chikayikwasha kutwalekahu kuyizatisha nimuwulu wenu nawa mukekala nawulu wamuzañalu.

TALENU VIDIYO YACHAKWILA HENOHU KANDA MWIÑILI MUWULU​—CHIBALU 3: “KUCHINDA MALI,” NAWA AKULENU AWA MALWIHU:

• Wubwambu wamuhela nimanakwetu Shane washika hadihi?

• Yumanyi yamonayi muhela mudi manakwetu Shane hanyima yakumwiluka chiwahi?

• Anvwali jindi amukwasha ñahi nawa wafuukulahu kwiladi?