CHATELA KUSHAKAMAWU AKWAKRISTU
Ilukenu Chatoñojokañayi Yehova
Tunakukeña kumutiyisha Yehova kuwaha muyuma yejima yitwelaña. (Yis 27:11) Hakwila twili mwenimu, twatela kufuukula yuma yikwesekana nachatoñojokañayi hela chakwila kwosi nshimbi yinakutulombolaku. Chumanyi chinateli kutukwasha?
Dizenuña Bayibolu mpinji yejima. Mpinji yejima yitunakutaña Bayibolu, chekalaña tuhu neyi tunakuhanjeka naYehova. Tunateli kwiluka Yehova chatoñojokañayi neyi tushinshika chelileñayi nawantu jindi nikutaña nsañu yawantu elili yuma yayiwa niyatama kumesu indi. Neyi tunakukeña kufuukula, spiritu yajila yikutukwasha kwanuka yuma yitwadizili niyishina yitwadizili Mwizu daNzambi.—Ywn 14:26.
Sandujolenu. Neyi munakukena kufuukula, dihulenu nenu, ‘Mavasinyi hela nsañwinyi yamuBayibolu yinateli kunkwahsa kwiluka chatiyañayi Yehova haniyi nsañu?’ Lombenu wukwashu waYehova, nawa zatishenu yitwa yakusandujola yamukuloñesha yidiku mwidimi denu yikuyikwasha kuwana nikuzatisha yishina yamuBayibolu kwesekeja nakukala kumukweti.—Ms 25:4.
TALENU VIDIYO YINAKWILA NAWU TWATELA ‘KUTEMUKA NAKUUMIKA’—DENU YAKUDA YAYIWAHI, NAWA AKULENU AWA MALWIHU:
Ikakejanyi damweniyi muhela wakansi wunadiña muvidiyo?
Munateli kuzatisha ñahi yozelu yakusandujola nachu kulonda yiyikwashi kumanisha kukala kwadifwanaku?
Yumanyi yayiwahi yafumañamu neyi twikala nampinji yakusandujola nikudiza halwenu kunateli kutukwasha kufuukula chachiwahi?—Heb 5:13, 14