CHATALA KUSHAKAMAWU AKAKRISTU

Imbujolenu Kukeña kwaYehova Kwakashinshi

Yehova wamwekesha chikupu nindi wukweti kukeña kwakashinshi. (Ms 103:11) Iku kukeña bayi neyi kwakapinji kanteshaku. Mukukeña kwakashinshi mwabombela kukeña kwakweni nawa kwatwalekañahu. Yehova wayimwekesheleli antu jindi aIsarela iku kukeña munjila jashiyashana. Wayifumishili muwuduñu muEjipitu nakuyileta Mwituña naChikaninu. (Ms 105:42-44) Wayizuñililiku antu jindi nawa wayanakeneneña neyi avulumuna. (Ms 107:19, 20) Chitukutwalekahu kutoñojoka “chikupu hanyidimu yaYehova yakukeña kwakashinshi,” tukufwilaña kumwimbujola.—Ms 107:43.

Nyevulu: Yakutalilahu yinakumwekesha vidiyo yinakwila nawu “Toñojokenuña Chiwahi haKukeña kwaYehova Kwakweni.” 1. Manakwetu Capra nimanakwetu mukwawu anayi nakuhempula muhela kwitala. 2. Manakwetu Capra, anamukasi mukaleya hamu nawamanakwetu amakwawu anakwinka manakwetu mukwawu wakata yakuda wunakaami mukadidi.

TALENU VIDIYO YINAKWILA NAWU “TOÑOJOKENUÑA CHIWAHI HAKUKEÑA KWAYEHOVA KWAKWENI,” NAWA AKULENU AWA MALWIHU:

Munjilanyi mutunateli kumwekeshela kukeña kwakashinshi?

Your answer
Muloñadi kumwekesha kukeña kwakashinshi chikwakeñekelaña kudihana?

Your answer