Yuma Yayiwahi Yafumini Mukutumba Chimwemweta!

Helen natumbi chimwemweta iku nemani kungolofwana. Ambanda ayedi anakuhita mukamwihi.

ATUNKAÑA ayedi awambanda ahitileña Mumusumba waBaguio, muPhilippines. Amweni ngolofwana hadiña nyikanda, ilaña hiyashikili mukamwihiku. Muhela Helen wadiña hangolofwana watumbili chimwemweta nakuyitala. Awa ambanda emeni wanyi ilaña atiyili kuwaha hakumona chimwemweta chatumbiliyi muhela Helen.

Chafuntileñawu kwitala nabasi, amweni Itala daWanta hakusoneka nawu jw.org munsona jamaneni. Anukili nawu nsona yinamoniwu Hetala daWanta diyi yamonawu cheñi hangolofwana. Wejima wawu asulukili, ayili Hetala daWanta nakutala ndandanda yamwekesheleña mpinji yapompaña yipompelu yazatishaña idi Itala daWanta.

Ambanda ayedi niwena anatumbi chimwemweta chiyanamumoniwu Helen Hetala daWanta.

Chelukiliwu mpinji enjili nakupompa. Nawa cheñililiwu Mwitala daWanta ashikeneni dakumumona, Helen. Anukili nawu diyi yowenona watumbili chimwemweta. Helen wahosheli nindi: “Chiyenjileñawu kukamwihi nanami natiyili woma. Namweni nami hadaha kudi yuma yineli.” Ilaña awa ambanda amulejeli Helen nawu amumweni hangolofwana.

Adiluñishili kupompa nikuhanjeka nawamanakwetu niahela muchipompelu. Chiyamweniwu amanakwetu niahela anakuwahisha Mwitala daWanta hanyima yakupompa, niwena alombeli nawu azatiku. Wumu wafumamu dehi muPhilippines, ilaña iwu mukwawu nakupompaña mpinji yejima nawa natwalekihu kudiza Bayibolu—yuma yejimiyi yinafumi mukutumba chimwemweta.