Njila Jimu Jimunateli Kuzatisha haKudiza Nkawenu nihaKudifukula kwaChisaka

Bayi neyi twadifukulaña kudi Yehova hamu nezaza deneni hakupompa kwachipompelu, kwanyanya nikwamaneni hohuku, ilaña twadifukulaña cheñi hamuntu-hamuntu nimuyisaka. Talenu iji njila jimu jimunateli kuzatisha hakudiza nkawenu nihakudifukula kwachisaka:

• Loñeshenu nsañu yimwakadiza hakupompa. Munateli cheñi kuhituluka mutumina nikukwasha ejima muchisaka kuloñesha ñakwilu jakakulawu hakupompa.

• Tañenu nsañu yamuBayibolu. Hanyima yakutaña, funjekenu mwevulu wayuma yamwekeni yidi munoyu nsañu hela sonekenu chuma chimunadizi.

• Tañenu hansañu yahosha hakulomba kwasonekawu muBayibolu, nawa hanjekenuhu kulonda mumoni chimwatela kuwahishaku kulomba kwenu.

• Talenu vidiyo yedisha kuloñesha kwetu, kuhiñahu hanjekenuhu nawakwenu hela sonekenu nsañu yinayitiyishi kuwaha munoyu vidiyo.

• Loñeshenu chakushimwina. Hadaha muntu wumu muchisaka wukudifwikija kwikala mwini itala nawa enu mukwikala mukakushimwina.

• Shinshikenu yileñaleña nawa toñojokenuhu chikupu hela hanjekenu hanoyu yileñaleña chiyinakuyidizisha hachekalayi Yehova.a