Wanenu Yuma Yalema yakuSpiritu Yinateli Kuyikwasha

Neyi tunakutaña Bayibolu, tunateli kuwana yuma yalema yakuspiritu kuhitila mukusandujola nsañu yikutukwasha. Hanu dinu yumanyi yitwatela kwila hakwila iyi nsañu yitukwashi?

Sandujolenu chikupu yuma yinadivuñili munsañu yamuBayibolu yimunakutaña. Chakutalilahu, ilukenu muntu wasonekeli oyu nsañu, asonekeleliyi nimpinji yasonekeliyi. Yuma yadiña ñahi, yumanyi yamwekeni henohu kanda nawa yumanyi yamwekeni hanyima?

Toñojokenu yuma yimunateli kudizilaku kuhitila mukusandujola hamalwihu adi neyi awa: ‘Antu anashimuniwu muniyi nsañu atiyili ñahi? Yilwilwinyi yamwekesheliwu? Muloñadi wunatela kwimbujolela yilwilu yawu hela kuyitondolwela?’

Zatishenu yuma yimunadiziliku, hadaha mumudimu wenu wakushimwina hela himunakuhanda nawantu. Neyi mwilaña mwenimu, mukumwekeshaña maana aNzambi, neyi chahosha Bayibolu nawu: “Wejima wudi namaana wukuhembaña yumiyi.”​—Mas. 107:⁠43.

• Chanukishu: Talenu nsañu yekalaña muchibalu chaYuma Yalema Yamwizu daNzambi mukupompa kwamukachi kamulungu chiyatukwashaña kusha muchima hachakuzatisha yuma yitunakudiza. Kakavulu munichi chibalu mwekalaña malwihu itwatela kudihula etu aweni, yikuma yitwatela kutoñojokahu chikupu niyakutalilahu yitwatela kushinshikahu.