Dizenuña naMuchima waKufwila Kulejaku Amakwawu

Kudiza Bayibolu nkawetu kwatukwashaña, ilaña kunateli kutukwasha nankashi neyi tulejañaku amakwawu yuma yalema yakuspiritu yitunadizi. Yishimu 11:25 yahosha nawu: “Wejima wenkaña akwawu menji akunwa niyena akamwinka menji akunwa.”

Neyi tulejañaku amakwawu nsañu yitunakudiza, chikwikala chaswayi kwanuka yikuma nikutiyishisha yuma yitunadizi. Nawa chineli iyi yikuma yakwashaña amakwawu, twatiyaña kuwaha kulejaku antu iyi yuma yalema.—Yilw. 20:35.

Esekenu kwila chumichi: Mumulungu wunakwinza, mwakalejiku muntu wumu yuma yimunadizi. Munateli kulejaku ntaña yenu, muntu imwapompaña nindi, imwazataña nindi, imwatañaña nindi, ntuñi nenu hela muntu imunawani mumudimu wakushimwina. Hoshenu oyu nsañu mumazu enu, munjila yapela nawa yatiyakana.

Anukenu chumichi: Lejenuku amakwawu yuma yimunadizi kulonda muyikoleshi, bayi kudimwekesha nenu yenu mweluka yuma nankashiku.—1 Kor. 8:1.