Loñeshenu Muchima Wenu

Neyi tunakudiza Bayibolu, twafwilaña yito­ñojoka yaYehova kutushika hamuchima, hela wuntu wetu wamukachi. Ezera welili chuma chachiwahi chitwatela kwimbujola muloña “waloñesheli muchima windi kulonda akeñakeñi Nshimbi jaYehova.” (Ezera 7:​10) Tunateli kuloñesha ñahi muchima wetu?

Lombenu. Tachikenuña kudiza kwejima nakulomba. Mulombenu Yehova kulonda ayikwashi kutiyishisha nikuzatisha yuma yimunakudiza.​—Mas. 119:​18, 34.

Ikalenu adizoza. Nzambi wajindaña chalala antu adivwimbaña nakushindamena hamaana awu. (Luka 10:21) Tondolwelenuña kusandujola nsañu kulonda mutiyisheña akwenu kuwaha. Dizozenu nakuhimpa yitoñojoka yenu neyi yinakwambokelamu nayitoñojoka yaNzambi.

Tiyililenu kukamina kaWanta. Tumina twekala nañovu yakuhosha namuchima wetu, nakutukwasha kudiloñeshela chadimu henohu kanda tutachiki kudifukula. Kutiyilila kukamina kaWanta hakutachika kudiza kukuyikwasha kuloñesha muchima wenu.