Zatishenuña Nsona Jinakwinyika kuMavasi Amakwawu

Nsona jinakwinyika kumavasi amakwawu jekala muBayibolu yaNsona jaKaayi Kakaha, jamwekeshaña Bayibolu chiyanuñañana chikupu nawa jikuyikwasha kuwana nsona jikweti nsañu yadifwana. Nsona jinakwinyika kumavasi amakwawu jakusoneka nansona yanyanya yidi kwakwihi nezu muvasi. Neyi munakuzatisha Bayibolu yakupulinta, keñenu hadi oyu nsona yanyanya yoyimu heluña dinashali hakachi kefu hakwila muwani nsona jikweti nsañu yadifwana. Ha jw.org hela ha JW Library^® app, chintenu hansona yanyanya yidi havasi hakwila mumoni nsona jikwawu.

Nsona jinakwinyika kumavasi amakwawu jinateli cheñi kuyikwasha kuwana yuma yinalondelihu:

Nyikanda Yahosha haNsañu Yoyimu: Iyi nyikanda yikuyitwala kunyikanda yikwawu yamuBayibolu yahosha hansañu yoyimu yamwekeni. Chakutalilahu, talenu 2 Samweli 24:1 ni 1 Kushindulula 21:1.

Mazu aKuzomona: Himazu akumukwasha muntu kwiluka kunafumishiwu mukuku wamazu anasonekiwu. Chakutalihu, talenu Matewu 4:4 niKuhituluka 8:3.

Wuprofwetu washikijewa dehi: Hinsañu yamwekeshaña kunuñañana kwekala hayuma yaprofweteliwu nichiyashikijeweli. Chakutalilahu, talenu Matewu 21:5 niZekariya 9:9.