Chikasha Chalwihu

◼ Tunateli kukumishila hadihi kudiza nakadizi waBayibolu wunakuyilaku hambidi?

Chachiwahi kutwalekahu kudiza nakadizi waBayibolu wunakuyilaku hambidi sampu tunamanishi nyikanda yiyedi—Chumanyi Chacheni Chatañishaña Bayibolu? ‘niShakamenu muKukeña kwaNzambi.’ Chumichi chinateli kuzatika hela chakwila kadizi napapatishewi henohu kanda yamanishi nyikanda yejima. Tunateli kutwalekahu kusoneka maora, kufuntila, nikadizi chili napapatishewi dehi. Neyi tuzata hamu namukwakushimwina nateli kuchinda maora neyi yahoshahu hampinji yakudiza.—Talenu Mudimu Wetu waWanta waMarch 2009, ifu 2.

Chalema nankashi neyi amaha ekala nachikuku chachiwahi muchalala henohu kanda tuleki kuyidizisha. Atela “kushimata” mudi Kristu “nakukola mukukuhwelela” kulonda atweshi kuumika kweseka kwakumonawu. (Kol. 2:6, 7; 2 Tim. 3:12; 1 Pet. 5:8, 9) Kubombelahu, hakwila nawu atweshi kudizisha amakwawu chachiwahi atela ‘kwiluka nsañu yalala.’ (1 Tim. 2:4) Neyi tumanisha kudiza nyikanda yiyedi nawatudizi etu, tukuyikwasha kwikala akola hakwenda ‘munjila yanyanya yaya kuwumi.’—Mat. 7:14.

Henohu kanda amwiteji muntu kupapatishewa, aeluda atela kwiluka nawu natiyishishi chikupu ntañishilu yalema yamuBayibolu nawa nakuzatisha yumoyu. Aeluda atela kusoñama hakuhituluka nakadizi wunabuli kumanisha kudiza mukanda watachi. Neyi muntu kanda yeluki yuma yakeñekaña hakwila yapapatishewi, aeluda akuzata nañovu kulonda amukwashi munakukeñeka hakwila nawu kumbidi yakapapatishewi.—Talenu mukanda waAbaiteyanya Ukucita Ukufwaya kwa kwa Yehova, mafu 217-218.

[Mazu ekoku adi hefu 2]

Chalema nankashi neyi amaha ekala nachikuku chachiwahi muchalala