KUDIZA 13

Wulozhi ni Kuhoña Kwatama

Satana nakukeña eyi wuhoñeña. Antu amavulu adikiñaña kuhitila mukuhana nyilambu kudi ankakulula zhawu hela aspiritu kuchina kuyikatisha. Elaña mwenimu muloña wakuchina ñovu zhawa aspiritu. Anvwalaña yikomu hela tuzeya twakwotesha. Anwaña hela kuwaya “yitumbu” hanyizhimba yawu oyu yakuhwelelawu nawu yikweti ñovu yawaña. Antu amakwawu mu matalawu hela hamaseki, avumbikañamu tuyuma twakuhwelelawu nawu tudi na ñovu yakuyikiña. Amakwawu azatishaña “yitumbu” yawaña muloña ayikuhwelela nawu yakayikwashaku mukulanda nakulandulula nihampinji yakusoneka kweseka hashikola, hela hakukeña muntu wakudisumbula nindi.

Kwikala ibwambu daYehova chikukiña nankashi kudi Satana. Yehova Nzambi niañelu zhindi aswezha ñovu kubadika Satana niademoni zhindi. (Yakoba 2:19; Chimwekeshu 12:9) Yehova nakukeña kumwekesha ñovu yindi hakukwasha amabwambu zhindi—owu amwovwahila chikupu.—2 Kushindulula 16:9.

Izu daNzambi dahoshaña nawu: “Kuhoña chinzhila.” Yehova wahela kuhoña ni wulozhi muloña kwila mwenimu kunatweshi kuletesha muntu kukwachikewa kudi Satana Diyabolu.—Alevi 19:26.