Ndandanda yaMulungu waFebruary 17

MULUNGU WAKUTACHIKA FEBRUARY 17

Kamina 15 niKulomba

□ Kudiza Bayibolu haChipompelu:

fy kape. 3 ¶1-15 (Jimin. 30)

□ Shikola yaMudimu waTeokalatiki:

Kutaña Bayibolu: Kutachika 29-31 (Jimin. 10)

Na. 1: Kutachika 29:21-35 (Jimin. 4 hela kufunta mwishina)

Na. 2: Muloñadi Chitwatela Kutoñojokelaku Chinleji Chamuchima Chawakwetu?—lv mafu 19-20 mapara. 12-16 (Jimin. 5)

Na. 3: Yuma Yashimunañayi Yehova Yamwekanaña—w10 3/15 ifu 29; w05-CW 7/1 ifu 29-30 (Jimin. 5)

□ Kupompa kwaMudimu:

Kamina 92

Jimin. 10: Hoshenuña Neyena Hampinji Yimunakushimwina. Kuhanjeka kufuma mumukanda waNonkelenimo, ifu 118, parakalafu 1, nakushika hefu 119, parakalafu 5.

Jimin. 5: Komana Munakuzatisha Webu Sayiti ya jw.org Mumudimu Wenu Wakushimwina? Kuhanjeka. Ilenu izaza dishimuni yuma yayiwahi yamwenuwu hakuzatisha Webu sayiti ya jw.org mumudimu wakushimwina. Kunkululenu kuhitila mukuleja izaza dilejeña antu haWebu sayiti hampinji yidi yejima yatelela. Neyi kwosi yuma yayiwahi yamwekeni, hanjekenu hachibaaba chinakwila nawu, “Webu Sayiti Yetu—Yizatishenuña Mumudimu Wakushimwina” muMudimu Wetu waWanta waDecember 2012.

Jimin. 15: “Zatenu Nañovu Kulonda Mukadiluñishi Nankashi Muchilaaka chaChanukishu.” Malwihu niñakwilu. Ilenu antu anakukeña kuzata wupayiniya wakukwasha hela chakwila akatakataña hela akweti nyidimu yayivulu ashimuni yuma yakahimpawu hakwila akazati nañovu mumudimu wakushimwina. Neyi himukuhanjeka haparakalafu 3, ihulenu nkoñi wamudimu kulonda yashimuni chinaloñeshiuwu mpinji yakubulakana kuya mumudimu wamwiha muMarch, April, niMay.

Kamina 8 niKulomba

Zatenu Nañovu Kulonda Mukadiluñishi Nankashi Muchilaaka chaChanukishu!

1. Njilanyi yimu mutunateli kwikala namuzañalu nankashi muchilaaka chaChanukishu?

¹ Komana munakukeña kwikala namuzañalu nankashi muMarch, April, niMay? Mukwikala namuzañalu neyi muzata nañovu mumudimu wakushimwina, nikuzataku wupayiniya wakukwasha neyi chinatwesheki. Chumichi chikayiletela ñahi muzañalu?

2. Indi kuzata nañovu mumudimu wakushimwina kwatuleñelaña ñahi kwikala namuzañalu chikupu?

² Swejenu Kwikala naMuzañalu: Yehova watuleñeli kulonda twikaleña namuzañalu nikutiya kuwaha hamuloña wakudifukula kudi yena nikudiza hadi yena. (Mat. 5:3) Nawa watuleñeli cheñi munjila yakwila twikaleña namuzañalu wafumaña mukuhana. (Yil. 20:35) Kuzata mumudimu wakushimwina kwatukwashaña, kudifukula kudi Nzambi nikukwasha antu. Chakadi nikujina, kuzata nañovu mumudimu wakushimwina kwatuleñelaña tusweji kwikala namuzañalu. Cheñi nawa, chitwasweja kuzata nañovu mumudimu wakushimwina, twekalaña akuluka yitembi mukushimwina. Chitweluka chakushimwina, twekalaña nawulobu nawa woma wamanaña. Twekalaña nakukooleka kwakushimwina nikutachika kudizisha antu Bayibolu. Yuma yejimiyi yaleñelaña tudiluñisheña nankashi mumudimu wakushimwina.

3. Muloñadi March niApril chitunekalili tukweji twatuwahi kuzata wupayiniya wakukwasha?

³ Kakweji kaMarch niApril hitukweji twatuwahi kuzata wupayiniya muloña munateli kuzata maora 30 hela 50 akeñekaña. Kubombelahu, kutachika haMposu haMarch 22 kushika niHachimu haApril 14, tukazataña kampeni kakawahi kakutambika antu kuChanukishu. Yipompelu yikazañalala nankashi hampinji yakazatañawu antu amavulu “namuchima wawu wumu” kulonda akashimwini mumaluñawu ejima akushimwinamu mumpinji yinayinkuwu.—Zef. 3:9.

4. Chumanyi chitwatela kwila neyi tunakukeña kuzata wupayiniya wakukwasha?

⁴ Diloñeshenu Yoyinu Mpinji: Neyi mwadiloñesha dehi, hitulukenu mundandanda yenu kulonda mumoni yuma yimwatela kuhimpa hakwila muzati nañovu mumudimu wenu wakushimwina mukakweji kamu hela mutukweji twatuvulu. Mwatela kulombelahu. (Yak. 1:5) Hanjekenu nachisaka chenu niantu amakwawu muchipompelu. (Yish. 15:22) Mukwiluka nenu hela chakwila mwakatakataña hela mudi nanyidimu yayivulu, anenu munateli kwikala namuzañalu wafumaña mukuzata wupayiniya wakukwasha.

5. Yumanyi yinateli kufumamu neyi tuzata nañovu mumudimu wakushimwina muchinu chilaaka chaChanukishu?

⁵ Yehova wakeñaña ambuñindi azañalaleña. (Mas. 32:11) Neyi tudiloñesha kulonda tuzati nañovu mumudimu wetu wakushimwina muchilaaka chaChanukishu, tukuzañalala chikupu nawa tukumuzañalesha Tata yetu wamwiwulu.—Yish. 23:24; 27:11.