KUDIZA 2

Kuhosha Neyi Munakuhanjeka

2 Akorinda 2:17

CHIKUMA: Hoshenu neyi munakuhanjeka, munjila yayiwahi yikumwekesha chimunakutiya hanoyu nsañu nichiyinateli kukwasha antiyilili jenu.

Loñeshenu chiwahi nawa lombelenuhu. Lombenu wukwashu kulonda mushi muchima hamazu imukuhosha, bayi hadi enu aweniku. Ilukilenu chadimu yikuma yamaneni yimukuhosha. Hoshenu yikuma mumazu enu; bayi mukumina dakuhosha mazu anasonekiwu imunahembeli kumutuku.

Neyi mukutaña muBayibolu hela mumukanda wukwawu, mwatela kuhitulukilamu chadimu munoyu nsañu kulonda muyitañi chakadi kuluwañesha. Neyi owu mazu ayihosheli kudi muntu, yitañenu neyena, chakadi kushamu maleñu.
Hoshenu chakufuma hamuchima. Toñojokenu hayuma yikukwasha antiyilili jenu. Hoshenu hayoyenoyu yuma. Cheñi, ñimenu, nzatishilu yayiidi nimmwekenu yahamesu yatela kumwekesha nawu munakuhosha namuzañalu.

Kuhosha neyi munakuhanjeka hikwatalisha mukuhosha namaleñuku. Lemeshenu nsañu yimunakuhosha nawa hoshenu kwesekeja nachahoshañawu monudu idimi.
Yitalenuña antiyilili jenu. Neyi muchisemwa antu ahoshaña nakuditala, yitalenuña antiyilili jenu. Neyi munakuhana mpanji, talenuña antu ejima mwizaza nawa yitalenuña hamuntu-hamuntu.