KUDIZA 11

Kuhosha Neyena

Aroma 12:11

CHIKUMA: Hoshenu neyena kulonda musañumuni antiyilili jenu.

Hoshenu chakufuma hamuchima. Chimunakuloñesha kuhana mpanji yenu, toñojokenu nankashi hakulema kwamazu imukuhosha. Mwatela kwiluka nsañu yimukuhosha chiwahi kulonda mutweshi kuyihosha chakufuma hamuchima.
Toñojokenu yuma yikukwasha antiyilili jenu. Toñojokenu hansañu yimunakutaña hela yimunakudizisha chiyikukwasha antu. Keñenu njila jajiwahi jimukuzatisha hakuhosha nsañu kulonda antu atiyishi nsañu yimunakuhosha.
Hoshenu neyena chikupu. Hoshenu neyena. Zatishenu yiidi yamujimba nimmwekenu yakumesu neyi chimwelaña dikalu kulonda mumwekeshi chimunakutiya hanoyu nsañu.

Babalenu kulonda mubuli kuhuwañesha antiyilili namutapu wumu hohu wakuzatishilamu yiidi yamujimba. Neyi munakuzatisha yiidi yamujimba, antu atela kwiluka muyinatalishi. Hoshenu neyena neyi himukudizisha antu yikuma yamaneni nawa neyi munakusañumuna antiyilili kuzatilahu. Bayi musweja kuhosha neyena mumpanji yenu yejimaku muloña mukuyizeyesha antiyilili.