Dizishenuña Neyena

Kushimwina neyena kwakwashanaña. Kwaleteshaña antu kushaku maana kunsañu yitunakuyidizisha. Chamwekeshaña cheñi nawu twalemesha nsañu yitwashimwinaña. Hichidi namuloña nankulilu yetu hela nachitwekalaku, tunateli kwikala neyena. (Rom 12:11) Munjilanyi?

Chatachi, toñojokenu hakulema kwansañu yimwashimwinaña. Mudi nakukooleka “[kwakushimwina] nsañu yayiwahi yayuma yayiwahi!” (Rom 10:15) Chamuchiyedi, toñojokenuña nsañu yayiwahi chiyinateli kukwasha antiyilili jenu muchihandilu chawu. Anakukeña kutiyilila chikupu nsañu yimunakuhosha. (Rom 10:13, 14) Nkumininaku, hoshenuña neyena, zatishenuña yiidi yamujimba nawa nimmwekenu yahamesu.

TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI​—WAHISHENU NJILA JENU​—DIZISHENUÑA NEYENA, NAWA AKULENU AWA MALWIHU:

• 

  Chumanyi chamuletesheli Neeta kuleka kumudizisha Jade neyena?

• 

  Chumanyi chamukwashili Neeta kwikala cheñi neyena?

• 

  Muloñadi chitwatela kushila maana hayilwilu yayiwahi yikweti antiyilili jetu?

• Kuhosha neyena kunateli kukwasha ñahi atudizi etu aBayibolu niantu amakwawu?