Chakwila

Hakutachika Kudizisha Antu Bayibolu Mposu Yatachi muFebruary

“Munanu mafuku akala wejima wetu twamonaña ikezeñi daneñeshaña yisaka. Mwatoñojokaña nenu kudihi kutwatela kuwana wunlomboli wawuwahi watela kutukwasha kwikala namuzañalu muchisaka?” Mulekenu yaakuli. Kufumahu mwinkenu mwiniitala magazini yaKaposhi Kakutalila yaJanuary–March, nawa hanjekenu hamu nsañu yidi hamutu wanyanya wudi hefu 16 na 17 ninsona yimu yinatenuwu. Mwinkenu magazini nawa loñeshenu kulonda mwakafuntiluku nakwakula malwihu analondeluhu.

Kaposhi Kakutalila January–March

“Antu amavulu atoñojokaña nawu Bayibolu chiyahosha hansañu yakuhumañana kweyala namumbanda hinsañu yayikulu nawa yankañeshaña hohu. Amakwawu eteja chahosha Bayibolu. Munatoñojokuhu nenudi? [Mulekenu yaakuli.] Tiyenu chahosha iyi nsona kutalisha hansulu yanshimbi jamuBayibolu. [Tañenu 2 Timotewu 3:16.] Ayinu magazini yinakushimuna jiñakwilu ikumi hamalwihu avula kwihulawu kutalisha hansañu yakuhumañana kweyala namumbanda. Yinalumbululi cheñi nshimbi jamuBayibolu chijatukwashaña.”

Awake! February

“Makonu antu amavulu atiyaña kuwaha kuhanjeka nawakwawu haIntaneti. Komana munakutoñojoka nenu kuhanjeka muniyi njila mwekala wubanji? [Mulekenu yaakuli.] MuBayibolu mwekala yishina yinateli kutukwasha kwikala akiñewa hakuzatisha Intaneti. [Bakulenu hamafu 6-9, nawa hanjekenu halwihu lumu hanawa malwihu ninsona yinatenuwu.] Iyi magazini yikuyikwasha kwiluka nikutondolwela wubanji wekala mukuhanjeka haIntaneti.”