16 Jehova nodwoko Musa niya: “Many ji 70 kuom jodong Israel ma ing’eyo ni gin jotend oganda.+ Kelgi e nyima e hema mar romo kendo gichung’ kodi kanyo. 17 Abiro lor+ mondo awuo kodi kanyo,+ kendo abiro kawo moko kuom roho maler+ man kuomi mondo ami jogo kae to gikonyi ting’o ting’ mapek mar rito ogandani, mondo kik itur gi ting’no kendi.+

34 Roho mar Jehova nobiro kuom Gideon+ mi ogoyo tung’,+ kendo joka Abiezer+ ne obiro mondo oriwe lwedo.

29 Roho mar Jehova nopong’o Jeftha,+ mi okadho Gilead gi Manase, modhi Mizpe man Gilead.+ Ka noa kanyo, nodhi mi omonjo Jo-Amon.

5 Samson ne odhi gi jonyuolne Timna, to ka ne ochopo e puothe mag mzabibu mag Timna, nopo ka sibuor* ruto kochome tir. 6 Gikanyono, roho mar Jehova nomiyo obedo gi teko+ moyiecho sibuorno diriyo gi lwete nono mana kaka ng’ato diyiech nyadiel. Kata kamano, ne ok onyiso jonyuolne gima ne otimono.

14 Ka ne gichopo Lehi, Jo-Filistia ne okok gi mor ka ne ginene. Eka roho mar Jehova ne omiyo Samson teko+ mi tonde ma ne otwego bedene ne ochot mayot mana ka usi mar kitani morew e mach, kendo ne gileny nono e lwete.+

6 Kanyo gi kanyo, roho mar Nyasaye ne obiro kuom Saulo,+ kendo nobedo gi mirima mager.

13 Omiyo, Samuel ne oolo mo+ e wi wuoyino mowalego e nyim owetene. Chakre chieng’no,+ roho mar Jehova ne ochako tiyo kuom Daudi. Bang’e, Samuel ne oa kanyo mi odok Rama.+

15 Roho mar Nyasaye nobiro kuom Azaria wuod Oded.