9 To ka ne Jo-Israel oywak ne Jehova mondo okonygi,+ Jehova ne omiyogi ng’at maresogi.+ Ng’atno ne iluongo ni Othniel,+ ne en wuod Kenaz ma owadgi Kaleb matin. 10 Roho mar Jehova nobiro kuome,+ mobedo jang’ad bura ne Jo-Israel. Kendo ka ne odhi e lweny, Jehova ne ochiwo Kushan-rishathaim ma ruodh Mesapotamia e lwete mi ne oloyo ruodhno.

34 Roho mar Jehova nobiro kuom Gideon+ mi ogoyo tung’,+ kendo joka Abiezer+ ne obiro mondo oriwe lwedo.

29 Roho mar Jehova nopong’o Jeftha,+ mi okadho Gilead gi Manase, modhi Mizpe man Gilead.+ Ka noa kanyo, nodhi mi omonjo Jo-Amon.

5 Samson ne odhi gi jonyuolne Timna, to ka ne ochopo e puothe mag mzabibu mag Timna, nopo ka sibuor* ruto kochome tir. 6 Gikanyono, roho mar Jehova nomiyo obedo gi teko+ moyiecho sibuorno diriyo gi lwete nono mana kaka ng’ato diyiech nyadiel. Kata kamano, ne ok onyiso jonyuolne gima ne otimono.

10 Omiyo, ne gia kanyo ma gichomo got, kendo jonabi moko ne oromo kodgi. Eka roho mar Nyasaye ne obiro kuome+ mi ochako koro wach+ kodgi. 11 Ka ne jo ma ong’eye oneno ka okoro wach kaachiel gi jonabigo, ne gipenjore niya: “Ang’o ma timo wuod Kish-ni? Dibed ni Saulo bende tinde en janabi?”

13 Omiyo, Samuel ne oolo mo+ e wi wuoyino mowalego e nyim owetene. Chakre chieng’no,+ roho mar Jehova ne ochako tiyo kuom Daudi. Bang’e, Samuel ne oa kanyo mi odok Rama.+