31 Magi e jo ma Daudi noketo mondo ota wer e od Jehova bang’ ka nosekel Sandug Singruok mondo obed kanyo.+ 32 Gin e ma ne gitayo wer e hema mar romo nyaka kinde ma Solomon nogero od Jehova Jerusalem+ kendo ne gitiyo tijgi kaka ne ochikgi.+

16 Eka Daudi nochiko jotend Jo-Lawi mondo oyier owetegi ma jower mondo ower gimor ka gigoyo thum gi gige thum molos gi tonde, gi nyatiti,+ kod nyidwonge.+

37 Eka Daudi noweyo Asaf+ kaachiel gi owetene e nyim Sandug Singruok mar Jehova mondo gidhi nyime tiyo e nyim Sandugno,+ kaka chik ne dwaro mondo otim odiechieng’ kodiechieng’.+

42 Heman+ gi Jeduthun ne goyo turmbeta gi nyidwonge kod gige thum ma ne itiyogo e pako Nyasaye madier, to yawuot Jeduthun+ ne rito rangach.

25 E wi mano, Daudi kaachiel gi jotelo mag grube ma ne tiyo e hekalu ne opogo moko kuom yawuot Asaf, yawuot Heman, kod yawuot Jeduthun+ mondo okor wach ka gigoyo nyatiti, gige thum man gi tonde,+ kod nyidwonge.+ Magi e jo ma ne owal ne tijno: