• Rapar mar Chik 4:34
    Muma Maler—Loko mar Piny Manyien (nwt)

    • 34 Koso, be Nyasaye osetemoe golo oganda moro kuom oganda machielo kotiyo gi timbe madongo, gi ranyisi, kod honni,+ kokedo+ gi teko maduong’,+ kendo komiyo ji luoro kod kibaji?+ Donge un e ma Jehova Nyasachu ne otimonu gik ma kamago kogolou e piny Misri ka uneno gi wang’u?

  • Zaburi 105:27-36
    Muma Maler—Loko mar Piny Manyien (nwt)

    • 27 Ne gitimo ranyisi madongo e kindgi,

      Kod honni e piny Ham.+

      28 Nyasaye nokelo mudho mi piny olil ti.+

      Ne giwinjo wechene.

      29 Noloko pigegi mobedo remo,

      Kendo nonego rech duto.+

      30 Ogwende nopong’o pinygi,+

      Nyaka e od ruoth.

      31 Nyasaye nogolo chik mi lwang’ni nomonjogi,

      Kendo suna nopong’o piny duto.+

      32 Kar kelonegi koth nokelonegi pe madongo,

      Kendo mil polo nokwako piny duto.*+

      33 Nyasaye nogoyo yiendegi mag mzabibu kod ng’owo piny.

      Adier, noketho yiende duto e pinyno.

      34 Nogolo chik ma det-bonyo omonjogi,

      Ee, dede mokalo akwana nomonjogi.+

      35 Ne gichamo gimoro amora ma noloth e piny,

      Moriwo nyaka cham duto ma ne nie puothegi.

      36 Bang’e nonego nyithind Jo-Misri duto makayo,+

      Adier, nonego nyithindgi ma ne gikwongo nyuolo.