31 Kik ulam Jehova Nyasachu e yo ma kamano, nimar ogendnigo lamo nyisechegi ka gitimo timbe maricho ahinya ma Jehova osin-go. Ogendnigo wang’o kata mana yawuotgi gi nyigi e mach ne nyisechegi.+

16 E higa mar 17 mar loch Peka wuod Remalia, Ahaz+ wuod Ruoth Jotham nobedo ruodh Juda.

3 Kar mano, nowuotho e yore mag ruodhi Israel,+ kendo nowang’o wuode e mach kaka misango+ koluwo timbe makwero mag ogendni+ ma Jehova noseriembo oa e nyim Jo-Israel.

17 Bende, ne giwang’o yawuotgi gi nyigi e mach,+ ne gitimo timbe juok,+ kendo ne gimanyo weche kuom jokor wach. Ne giketo chunygi e timo gik maricho e wang’ Jehova mondo giwang’go iye.

18 Omiyo, Jehova nobedo gi mirima mager gi Jo-Israel mi noriembogi e nyime.+ Ne ok oweyo kata mana achiel kuomgi odong’ mak mana dhood Juda.

30 ‘Jo-Juda osetimo gik maricho e wang’a,’ Jehova owacho. ‘Gisechungo sanambegi makwero e ot miluongo gi nyinga, mondo gidwany oda.+ 31 Gisegero kuonde moting’ore malo miluongo ni Tofeth manie Hoho mar Wuod Hinom,*+ mondo giwang’ie yawuotgi gi nyigi.+ Ne ok achikogi mondo gitim gima kamano, kendo chunya pok noparo timo kamano kata matin.’+

20 Ooyo; kata kamano gima awacho en ni misengni ma ogendni chiwo, gichiwogi ne jochiende, to ok ne Nyasaye;+ kendo ok daher ni un bende uchiem gi jochiende.+