6 Ne ni uritogi adimba,+ nimar mano biro nyiso ogendni mamoko ni un jo mariek+ kendo ma weche donjonegi.+ Ka giniwinj chikegi eki, to giniwach ni, ‘Onge kiawa ni oganda maduong’ni riek kendo weche donjonegi.’+

7 “Bed mana gi chir kendo gi teko, kendo rit chike duto ma Musa jatichna ne omiyi. Kik ibar korachwich kata koracham.+ Kamano inibed mariek kamoro amora ma nidhiye.+ 8 Bug Chikni kik a e dhogi,+ to some gi dwol mapiny* odiechieng’ gotieno mondo omi iluw weche duto mondik e iye;+ eka inibed gi rieko, kendo yoreni duto biro dhi maber.+

3 Nyaka itim duto kaka owinjore e nyim Jehova Nyasachi kuom wuotho e yorene, kuom mako chikene kod buchene, kendo kuom rito wechene kaka ondik e Chik Musa.+ Kitimo mago duto to ibiro dhi maber* e yoreni duto kod kuonde duto midhiye.

14 In to sik kuom weche misepuonjori kendo ma ne okonyi yie kuomgi chuth,+ king’eyo ni gin ng’a gini ma ne ipuonjori kuomgi. 15 Bende, ng’e ni chakre ka ne in nyathi matin ahinya,+ isebedo king’eyo ndiko maler+ ma nyalo miyo ibed mariek mondo iyud warruok kokalo kuom yie kuom Kristo Yesu.+