21 “‘Kik ichiw nyathini moro amora ne nyasaye miluongo ni Molek.+ Kitimo kamano, idwanyo nying Nyasachi.+ An Jehova.

2 “Nyis Jo-Israel ni, ‘Ka Ja-Israel moro amora kata wendo manie kindgi ochiwo nyathine ne Molek, nyaka neg ng’atno.+ Jo-Israel duto biro chiele gi kite motho.

16 E higa mar 17 mar loch Peka wuod Remalia, Ahaz+ wuod Ruoth Jotham nobedo ruodh Juda.

3 Kar mano, nowuotho e yore mag ruodhi Israel,+ kendo nowang’o wuode e mach kaka misango+ koluwo timbe makwero mag ogendni+ ma Jehova noseriembo oa e nyim Jo-Israel.

33 Manase+ nobedo ruoth ka en jahigni 12 kendo nolocho kuom higni 55 kodak Jerusalem.+

6 Nowang’o yawuote e mach kaka misango+ e Hoho mar Wuod Hinom;+ nobedo jambofwa,+ jadil, kendo noketo ajuoke nyakalondo, kod jopenj jochiende wach.+ Notimo gik maricho ahinya e wang’ Jehova mondo owang’go iye.

31 Gisegero kuonde moting’ore malo miluongo ni Tofeth manie Hoho mar Wuod Hinom,*+ mondo giwang’ie yawuotgi gi nyigi.+ Ne ok achikogi mondo gitim gima kamano, kendo chunya pok noparo timo kamano kata matin.’+

26 Ne aweyo gibedo ma ok ler nikech misengni ma ne gichiwo ka giwang’o nyithindgi makayo e mach.+ Ne atimo kamano mondo akethgi, kendo mondo ging’e ni an e Jehova.”’