Zaburi

Gouru ne Jehova erokamano, nimar ober;+

Herane osiko nyaka chieng’.+

 3 Jo mamor gin jo ma luwo adiera,

Kendo ma siko katimo gik makare.+

Rita kendo resa,

 5 Mondo an bende ayudie gik mabeyo ma imiyo jogi miyiero,+

Abed mamor kaachiel gi ogandani,

Kendo apaki kaachiel gi jogi.

 6 Wasekethoni mana kaka kwerewa notimo,+

Wasekethoni; wasetimo richo.+

 7 Ka ne kwerewa ni Misri, ne ok giparo tijeni madongo miwuoro,

Bende, wigi nowil gi herani mogundho.

 8 To ne iresogi nikech nyingi,+

Mondo tekoni maduong’ ong’ere.+

Ne imiyo gikalo e nam ka jo ma kalo e thim.+

10 Ne iwarogi e lwet jasikgi.+

Adier, ne iresogi e lwet ng’at ma ne kedo kodgi.+

11 Pi noimo wasikgi duto,

Onge kata achiel ma notony.+

12 Eka ne giyie gi singo magi,+

Kendo ne gichako paki gi wende.+

13 To piyo piyo nono wigi nowil gi gik ma nisetimo,+

Kendo ne ok giriti mondo ing’adnegi rieko.

14 Ich lach nomakogi e thim,+

Kendo ne gitemo Nyasaye e thim.+

15 Nimiyogi gik ma ne gidwaro,

Kata kamano, nigoyogi gi tuo malich ma githo.+

16 Ka ne gin e kambi, nyiego nomakogi gi Musa,

Kendo gi Harun,+ jal ma Jehova nowalo ne tich maler.+

17 Piny nobarore momwonyo Dathan,

Kaachiel gi Abiram gi jo ma nochokore kode.+

18 Mach nomuoch e dier jolupgi,

Mowang’o jorichogo te.+

19 Ne giloso nyaroya ka ne gin Horeb,

Mi gilamo sanamu ma ne giloso gi chumano.+

20 Kar miya duong’,

Ne giloso kido mar ruath ma chamo lum mondo gimi duong’.+

21 Wigi nowil gi Nyasaye+ ma noresogi,

Kendo ma nosetimo gik madongo e piny Misri.+

22 Adier, wigi nowil gi honni miwuoro ma notimo e piny Ham,+

Kaachielgi gik madongo ma notimo e dho Nam Makwar.+

23 Omiyo, ne ichiegni tiekogi,

To Musa ng’ati ma ne iyiero e ma nochung’ e kindi kodgi ka jathek

Mondo ogeng’ mirimbi mager.+

24 Ee, ne gichayo pinyi ma jaber.+

Ne ok giyie gi singoni.+

25 Ne gisiko ging’ur e hembegi,+

Kendo ne ok giwinjo dwond Jehova.+

26 Kuom mano, ne oting’o lwete mokuong’ore

Ni obiro miyo gipodh e thim.+

27 Ne iwachonegi ni nidhi miyo nyikwagi opodh e kind ogendni,

Kendo ni nidhi keyogi e piny duto.+

28 Ne giriwore kaachiel gi jolam Baal mar Peor+

Mi gichamo misengni ma ne gichiwo ne jo motho.*

29 Timbegi nomiyo Nyasaye mirima,+

Mi tuo ma neko nogogi.+

30 To ka Finehas nokawo okang’ ma dwarore,

Tuo marachno norumo.+

31 Timneno nomiyo okwane ka ng’at makare

Kendo ibiro kwane kamano e tienge duto.+

32 Ne giwang’o i Nyasaye e dho pige mag Meriba,*

Kendo gima ne gitimono nokelo ne Musa chandruok.+

33 Ne giwang’o iye

Mi orokni gi wach.+

34 Ne ok gitieko ogendni mamoko chuth,+

Kaka Jehova nochikogi ni gitim.+

35 To ne gikikore gi ogendnigo+

Mi gichako luwo timbegi.+

36 Ne gilamo sanamu mag ogendnigo,+

Kendo mano nobedonegi obadho.+

37 Ne gichiwo yawuotgi gi nyigi

Kaka misengni ne jochiende.+

38 Ne gichuero remb jo ma onge ketho.+

Ne gichuero remb yawuotgi gi nyigi,

Ma ne gichiwo ne nyiseche mag Kanaan,+

Mi ne ginjawo piny gi remo ma ne gichuerogo.

39 Timbegigo nomiyo gibedo jo ma ok ler,

Ne gidwanyo lamo maler gi timbegi.+

40 Omiyo, i Jehova nowang’ gi joge,

Mi chunye ojok kodgi.

41 Nosiko kochiwogi e lwet ogendni mamoko,+

Mondo jo ma ne mon kodgi oloch e wigi.+

42 Wasikgigo nosandogi,

Mi olokogi wasumbnigi.

43 Ne iresogi nyading’eny,+

Kata kamano pod ne ging’anyoni,+

Kendo richogi e ma ne tiekogi.+

44 To nineno chandruokgi,+

Kendo niwinjo ywakgi.+

45 Nikech niparo singruok ma nisetimo kodgi,

Niwinjo malit, mikechogi nikech herani osiko.+

46 Nimiyo jo ma nolokogi wasumbni

Okechogi.+

47 A Jehova Nyasachwa, reswa,+

Kendo chokwa mondo igolwa e kind ogendni,+

Mondo wagoni erokamano nikech nyingi ler,

Kendo wapaki gi ilo.+

48 Pakuru Jehova, Nyasach Israel,

Nyaka chieng’.+