Isaya

61 Roho mar Jehova Wuon Loch Duto ni kuoma,+

Nimar Jehova osewira mondo aland wach maber ne jo mamuol.+

Oseora mondo akue chuny jo monyosore,

Aland ne jo moter e tuech ni koro gin thuolo,

Ayaw wenge jo motue,+

 2 Aland higa ma Jehova oyiego

Kod chieng’ ma Nyasachwa chuloe kuor,+

Aho chuny jo mokuyo,+

 3 Akony jo ma ywago Sayun,

Amigi kondo mar maua kar buch kendo,

Amigi mo ma kelo mor kar kuyo,

Amigi pak kaka nanga kar chuny malit.

Ibiro luonggi ni yien madongo mag tim makare,

Ma Jehova nopidho mondo oyudgo duong’.+

 4 Gibiro gero kuonde ma nomukore;

Gibiro chungo kuonde ma nowe,+

Gibiro loso taonde ma nokethore,+

Ee, kuonde ma ne ojwang’ kuom tienge mang’eny.+

 5 “Welo e ma biro kwayo kwedhu,

Jo moa e pinje mamoko+ nopur puotheu, kendo ginilwer mzabibu magu.+

 6 To un ibiro luongu ni jodolo mag Jehova;+

Gibiro luongou ni jotich Nyasachwa.

Ubiro chamo mwandu mag ogendni,+

Kendo ubiro sungoru nikech mwandu maggi.

 7 Kar yudo wich-kuot, ubiro yudo pok nyadiriyo,

Kar yudo achaya gibiro mor nikech pok momigi.

 8 Nimar an Jehova, ahero bura makare;+

Asin gi mecho kod tim ma ok kare.+

Abiro miyogi pok margi.

Kendo anatim kodgi singruok ma nyaka chieng’.+

 9 Kothgi biro ng’ere e kind ogendni,+

Kendo nyikwagi biro ng’ere e kind ji.

Ng’ato ang’ata monenogi biro ng’eyogi,

Ee, gining’e ni gin e oganda* ma Jehova oguedho.”+

Nimar oserwakona warruok ka law;+

Oserwakona tim makare ka kandho,

Mana kaka wuon kisera morwako kilemba kaka mar jadolo,+

Kendo kaka miaha mobidhore gi gige dusruok.

11 Mana kaka lowo miyo gik moko twi,

Kendo kaka kodhi mopidhi e puodho twi,

E kaka Jehova Wuon Loch Duto

Miyo tim makare+ kod pak twi+ e nyim ogendni duto.