Osiepe Nyasaye Timo Timbe Mabeyo

Ka in gi osiepni mihero kendo miluoro, itemo chalo kode. Muma wachoni “Jehova ber kendo ochung’ tir.” (Zaburi 25:8) Mondo ibed osiep Nyasaye, nyaka ibed maber kendo ng’at moriere tir. Muma wacho: “Beduru jo ma luwo tim Nyasaye, kaka nyithindo moher. Wuothuru e hera.” (Jo Efeso 5:1, 2) Ne yore moko minyalo timogo kamano:

Kony jomoko. “Watim maber ni ji duto.”​—Jo Galatia 6:10.

Ti matek. ‘Ng’a ma kwelo kik okwal kendo, to moloyo mondo oti matek tich modimbore, kotiyo gi lwete tich modimbore.’​—Jo Efeso 4:28.

Bed maler edendi kod timbegi. “Walwokre a e chido mar ringruok kendo mar chuny, mondo wabed maler chuth kuom luoro Nyasaye.”​—2 Jo Korintho 7:1.

Bed kod joodi gi hera kod luor. “Ng’ato ka ng’ato oher chiege kaka oherore owuon; kendo dhako omi chwore duong’. Nyithindo, winjuru jonywolu.”​—Jo Efeso 5:33–6:1.

Her jomoko. ‘Waherreuru ng’ato gi ng’ato, nikech hera en mar Nyasaye.’​—1 Johana 4:7.

Luor chike mag piny. “Ng’ato ka ng’ato mondo owinj [sirikal] . . . Miuru ji duto gi mowinjore giyudi; osuru umi jogol osuru.”​—Jo Rumi 13:1, 7.