Weche Michakogo Kare mar 14

Jokristo mokwongo ne olando wach maber mar Pinyruoth nyaka kuonde maboyo mogik e tung’ piny. Yesu ne onyisogi kuonde ma nonego gilendie, kendo ne omiyogi nyalo mar puonjo ji gi dhok ma jogo ne winjo. Jehova ne omiyogi chir kod teko mar nyagore gi akwede kod sand mager ma ne giromogo.

Yesu nomiyo jaote Johana fweny ma lero duong’ mar Jehova. Bende, Johana noneno fweny moro ma nyiso ka Pinyruoth manie polo loyo Satan, kendo tieke gi lochne chuth. Johana noneno Yesu ka locho ka en gi ji 144,000. E wi mago, Johana noneno ka piny duto bedo paradiso ma ji duto lamoe Jehova ka gin gi kuwe kod hera.