GOCHO MAR PUONJRUOK

SULA MAG PUONJRUOK

▪ Bed Jachir—Jehova ni Kodi!

Ji mathoth miwuoyo kuomgi e Muma ne nigi yie kod chir. Ka wanono moko kuom gik ma notimore e ngimagi, wabiro yudo teko mar bedo gi yie motegno kendo tiyo ne Jehova ka wan gi chir. Sulani bende biro wuoyo kuom ndiko mar higa 2013.

▪ Kik Iwe Gimoro Amora Oketi Mabor gi Jehova

▪ Med Sudo Machiegni gi Jehova

Nitie gik mang’eny maok wanyal yiero e ngimawa machalo kaka ni gin jomage mabiro bedo jonyuolwa, kata yiero owetewa gi nyiminewa monego onyuolwago, kata mana yiero kama onego onyuolwae. Winjruok manie kindwa gi Jehova to opogore. Wanyalo yiero mar sudo machiegni kode kata ooyo. Sulagi biro wuoyo kuom gik moko abiriyo maok onego wawe oketwa mabor gi Jehova.

▪ Tiyone Nyasaye Maok Waywago Ang’e

Waduto wasetimo gik ma sani waywago ang’e ni mad ne watim mopogore. Kata kamano, ok onego wawe paro ma kamago onyos chunywa machop kama koro ok wanyal tiyo ne Nyasaye e yo mowinjore. E sulani, wabiro puonjore kuom kaka ranyisi ma Paulo noketo nyalo konyowa dhi nyime tiyo ne Jehova maok waywag ang’e.

▪ Jodong-kanyakla—‘Tiyo Kaachiel Kodwa Mondo Wabed Mamor’

E barua mar ariyo ma Paulo nondiko ne Jo-Korintho, nolero ni en gi jowetene ne gin ‘jotich kaachiel kodgi kuom mor margi.’ (2 Kor. 1:24) Weche ma Paulo nowachogo onego omul jodong-kanyakla ma gin Jokristo e yo mane? To ere kaka ng’ato ka ng’ato kuomwa nyalo medo mor manie kanyakla? Wabiro yudo dwoko mag penjogi e sulani.