GOCHO MAR PUONJRUOK

SULA MAG PUONJRUOK

▪ Kuom Jogo Mohero Jehova, ‘Onge Gima Dimi Gichwanyre’

Jokristo duto nie ng’wech mar yudo mich mar ngima mochwere. Kata kamano, nikech ne onyuolwa e richo, waduto wachwanyore e ng’wejno. Sulani biro wuoyo kuom gik moko abich manyalo chwanyowa e ng’wejni, kendo obiro lero kaka wanyalo timo mondo kik gigo monwa tieko ng’wejno.

▪ Be In gi ‘Chuny mar Ng’eyo’ Jehova?

Bug Jeremia nyisowa mathoth kuom chal mar chuny dhano. Sulani biro konyowa ng’eyo tiend bedo gi ‘chuny maok oter nyangu,’ kendo kaka bedo gi chuny machalo kamano nyalo hinyo kata mana Jokristo. E wi mano, sulani bende biro puonjowa kaka wanyalo bedo gi ‘chuny mar ng’eyo’ Jehova.​—⁠Yer. 9:​26; 24:7.

▪ “Kuseng’eyo Nyasaye” Koro Dwarore Utim Ang’o?

Gin okenge mage ma ng’ato onego oluw mondo ong’e Nyasaye, kendo obed ng’at ma Nyasaye bende ong’eyo? Ere kaka Jakristo nyalo dhi nyime timo dongruok kata obedo ni oseng’eyo Nyasaye, to ang’o momiyo mano dwarore? Sulani biro dwoko penjogi.

▪ Jehova E Kar Dakwa

Wadak e piny ma ji ok nigi winjruok maber gi Nyasaye, kata kamano ok onego wabed gi luoro. Sulani nyiso kaka wan gi kar dak maberie moloyo​​—⁠Jehova Nyasachwa.

▪ Mi Nying Jehova Duong’

Bedo achiel kuom joma iluongo gi nying Nyasaye tiende en ang’o? Wuotho ka waluoro nying Nyasaye tiende en ang’o? To Nyasaye neno nade jogo mochayo nyinge? Sulani biro chiwo dwoko mag penjogi.