Chokruok ma Ok Onego Ibarine

Otieno mogik ka pok Yesu ochiwo ngimane, ne ochiko jolupne mondo otim nyasi mar paro misango ma ne odhi chiwo. Nyasi ma ne Yesu ochakoni iluongo ni Chiemb Odhiambo mar Ruoth. Ne otimo nyasino kuom miyo jootene makate ma onge thowi kod divai makwar kendo ne ochikogi niya: “Timuru ma, uparago.”—Luka 22:19.

Higa ka higa, Joneno mag Jehova timoga rapar mar tho Yesu. E higa mar 2014, Raparno ibiro tim chieng’ Wuok Tich, April 14, bang’ podho chieng’.

Orwaki ahinya mondo ichop e romono, kendo ibiro ler weche momedore e wi gimomiyo ne dwarore ahinya ni Yesu ochiw ngimane kaka misango. Onge chudo moro amora ma ibiro kwayi. Onge sadaka mibiro choki. Ng’at ma omiyi gasedni nyalo nyisi sa kod kama chokruogni biro bedoe e alwora ma intiere, kata inyalo yudo weche momedore e Websait marwa mar jw.org/luo. Wakwayi mondo ipar tarig nyasini, kendo wageno ni ibiro chopo.